Námskeiðið er samstarfsverkefni Hagvangs og Akademias og er ætlað að undirbúa og hvetja einstaklinga í árangursríka atvinnuleit. Megináhersla er lögð á að kenna aðferðir og tækni til starfsleitar og efla sjálfstraust við leitina. Lögð er áhersla á að í lok námskeiðs séu þátttakendur tilbúnir til þess að hefja atvinnuleit með markvissum hætti.
Markmið:
Að einstaklingar séu tilbúnir til að takast á við atvinnuleit af krafti
Auka færni og öryggi í atvinnuleitinni
Betri þekking á mismunandi leiðum við atvinnuleit
Þátttakendum stendur til boða að verða virkir umsækjendur hjá Hagvangi og hafa þar með aðgengi að öllum störfum sem eru á skrá og falla að hæfileikum og getu viðkomandi.
Við hjálpum þér að móta nýjan starfsferil, auðkenna styrkleika þína og nýta þá í væntanlegri starfsleit. Jafnframt förum við yfir ýmis hagnýt atriði sem nýtast í atvinnuleit.
Á námskeiðinu er m.a. fjallað um:
Tímamótin sem fylgja starfsleit
Hugarfar
Að skapa góðar venjur
Draumastarfið
Starfsleitina
Ferilskránna
Kynningarbréfið
Atvinnuviðtöl
Launaviðræður
Heildarlengd: 48 mín.
Hlynur Atli Magnússon og Stefanía Hildur Ásmundsdóttir kenna námskeiðið, en bæði eru þau ráðgjafar í mannauðsmálum og ráðningum hjá Hagvangi. Hagvangur er ráðninga- og ráðgjafafyrirtæki sem stofnað var árið 1971 og veitir margs konar ráðgjöf á sviði þjálfunar og þróunar mannauðs. Í áraraðir hefur Hagvangur veitt ráðgjöf í tengslum við starfslok, en áhersla er lögð á að beina sjónum fram á við. Þar er starfsfólk aðstoðað við að móta nýjan starfsferil, finna styrkleika og nýta þá í væntanlegri starfsleit. Reynsla Hagvangs er sú að ráðgjöf sem þessi hefur undantekningarlítið góð áhrif auk þess að vera hjálpleg í atvinnuleitarferlinu.
