Öll fyrirtæki þurfa stöðugt að endurhugsa markaðsstarfið sitt. Kauphegðun er alltaf að breytast bæði á neytenda- og fyrirtækjamarkaði. Bæði til skamms og langtíma. Það sem neytendur urðu að eiga í gær verður óþarfi í dag.
Stjórnendur verða við slíkar aðstæður að skilja markhópinn sinn sem aldrei fyrr, geta aðlagað vöruna eða þjónustuna að honum, ásamt því að finna nýjar og hagkvæmar leiðir til að koma skilaboðum á framfæri. Allt þetta verður jafnframt að gera fyrir stöðugt minna fjármagn en áður.
Markmiðið er að hjálpa fyrirtækjum í gegnum óvissutíma. Ennfremur að gera stjórnendur sjálfbæra við að skipuleggja og hrinda í framkvæmd nýrri sókn á markaðinn.
Námskeiðið hentar öllum sem koma að markaðsmálum lítilla jafnt sem stórra fyrirtækja. Starfsmenn frá nánast öllum stærstu fyrirtækjum Íslands hafa sent starfsmenn á námskeiðið en það var í mörg ár kennt í staðnámi.
Á námskeiðinu er m.a. fjallað um:
MarkaðsSkilningur: Hvernig getum við skilið breyttar þarfir og langanir viðskiptavina? Hvað segir sagan okkur um breytta hegðun neytenda í kreppu? Hver er likleg framtíðarþróun? Mikið af markaðsgögnum verður kynnt sem hægt er að nálgast endurgjaldslaust á Íslandi. Ennfremur verður farið yfir hvernig þátttakendur geta sjálfir (án kostnaðar) gert einfaldar markaðsrannsóknir og greiningar sem margfalda líkur á árangri.
MarkaðsMótun: Hvernig getum við aðlagað stefnu og nálgun við markaðinn svo neytendur velji okkur þrátt fyrir gjörbreytt markaðsumhverfi og neytendahegðun?
MarkaðsAðgerðir: Hvaða hagkvæmu leiðir getum við notað til að selja meira? Hvaða leiðir eru árangursríkastar og hagkvæmastar? Hvernig getur stafræn auglýsingatækni hjálpa okkur að ná meiri árangri?
Heildarlengd: 470 mín.
Guðmundur Arnar Guðmundsson hefur starfað sem markaðsstjóri Íslandsbanka, Nova og WOW air en hann sat jafnframt í framkvæmdastjórn félaganna. Ennfremur var hann markaðsstjóri Icelandair í Bretlandi og vörumerkjastjóri Icelandair á Íslandi. Guðmundur hefur kennt markaðsfræði og vörumerkjastjórnun við Háskólann í Reykjavík ásamt því að vera reglulegur gestafyrirlesari í öllum háskólum landsins. Hefur hann m.a. stýrt markaðsmálum hjá tveimur Markaðsfyrirtækjum ársins skv. ÍMARK, Icelandair 2011 og Nova 2014. Guðmundur er hagfræðingur frá Acadia University í Kanada og með MBA frá Háskóla Íslands, auk þess að hafa sótt stjórnendanám, þ. á m. við Harvard Business School og IESE. Hann hefur verið mentor í Startup Reykjavík og Startup Tourism, dómari í Gullegginu og markaðsráðgjafi fyrir fjölda fyrirtækja, af öllum stærðum og í mörgum ólíkum atvinnugeirum.
Dr. Eyþór Ívar Jónsson, er sérfræðingur á sviði stjórnunar og viðskiptafræða og einn reyndasti MBA kennari Norðurlandanna. Eyþór kennir námskeiðin miniMBA – Fjármál fyrirtækja, fjártækni og árangursstjórnun og Leiðtogi í fjármögnun og fjárfestingum hjá Akademias.
