Copilot á mannamáli

Microsoft Copilot er orðið eitt mikilvægasta verkfæri nútímans – hvort sem þú ert að skrifa texta, greina gögn, undirbúa fundi eða halda utan um verkefni. Á þessu stutta og markvissa námskeiði lærir þú að nota Copilot á skýran, einfaldan og hagnýtan hátt.

Við förum yfir hvernig þú getur sparað tíma, aukið gæði og innleitt ný vinnubrögð sem nýtast strax í starfi.

Þú lærir að:

• Nýta Copilot í daglegum verkefnum án tæknilegs flækjustigs.
• Skrifa betri beiðnir (prompts) sem skila betri niðurstöðum.
• Nota Copilot til að skrifa, greina og setja saman upplýsingar.
• Einfalda ferla og bæta skipulag í M365-umhverfinu.

Hentar fyrir:

Alla sem vilja nýta Copilot á einfaldan, skilvirkan og markvissan hátt – óháð starfi eða tæknikunnáttu.

Hagnýtar upplýsingar

• Tímalengd: 3 klst.
• Verð: 29.900 kr.
• Dagsetningar: 1
  • 1. desember kl. 17-20
  • 3. desember kl. 17-20
• Staðnám hjá Akademías í Borgartúni 23, 3.hæð.
• Hámarksfjöldi: 30 þátttakendur á hverju námskeiði.

Kennari: Rúna Guðrún Loftsdóttir

Rúna Loftsdóttir hefur starfað innan upplýsingatækninnar í rúma tvo áratugi og komið þar að fjölbreyttum verkefnum.
Hún hefur starfað sjálfstætt hjá fyrirtæki sínu, Decasoft og sinnt þar fræðslumálum í upplýsingatækni, innleiðingum ITIL ferla, og verkefnastjórnun við innleiðingar á kerfum og lausnum.
Rúna starfaði áður hjá OK, KPMG, Alvogen, Össur hf. og Upplýsingatæknisviði Reykjavíkurborgar. Rúna er með IPMA vottun í verkefnastjórn, ITIL-4  í ferlum og verklagi í upplýsingatækni og Microsoft kerfisstjórn.

Mörg stéttarfélög veita styrk í gegnum Starfsmenntunarsjóð fyrir allt að 90% af náminu en jafnframt eru aðrar styrkjaleiðir færar fyrir fyrirtæki, óháð starfsmanni (sjá www.attin.is). Hafðu samband og við aðstoðum akademias@akademias.is.