Ákvarðanaferli

Um hvað er námskeiðið?

Námskeiðið fjallar um kerfisbundið ferli til að taka upplýstar og árangursríkar ákvarðanir. Lögð er áhersla á vandaða greiningu á vandamálinu áður en hafist er handa við að finna lausnir.

Efni námskeiðsins skiptist í tvo meginhluta: Áskorun og Lausn. Farið er í gegnum átta þrep ákvarðanatöku:

1. Meta aðstæður: Skoða ytri og innri þætti sem hafa áhrif á ákvörðunina.

2. Finna rót vandans: Skilgreina hvers vegna þörf er á ákvörðun og hver raunveruleg áskorun er.

3. Setja markmið: Ákvarða skýr og mælanleg markmið sem ákvörðunin á að uppfylla.

4. Greina vandamálið: Safna gögnum til að skilja undirliggjandi orsakir.

5. Þróa lausnir: Beita skapandi og gagnrýnni hugsun til að finna mismunandi leiðir.

6. Meta lausnir: Greina kosti, galla, kostnað og áhættu hvers valkosts.

7. Velja bestu lausnina: Velja þá leið sem best þjónar markmiðum og stefnu.

8. Framkvæma: Innleiða lausnina með aðgerðaáætlun og eftirfylgni.

Í gegnum námskeiðið er notast við raunhæft dæmi til að útskýra hvert skref ferlisins.

Fyrir hverja?

Þetta námskeið er ætlað stjórnendum, verkefnastjórum, sérfræðingum og öllum þeim sem vilja tileinka sér markviss vinnubrögð við ákvarðanatöku. Það hentar þeim sérstaklega vel sem standa reglulega frammi fyrir flóknum úrlausnarefnum í starfi og vilja tryggja að ákvarðanir séu teknar á grundvelli ítarlegrar greiningar frekar en eingöngu innsæis.