Bara tala er stafrænn íslenskukennari sem byggir á gervigreind og íslenskri máltækni, endalausn sem byggir á kjarnalausnum íslensku máltækniáætlunarinnar.  Boðið er upp á starfstengt íslenskunám og grunnnámskeið í íslensku fyrir vinnustaði. Með notkun sjónrænna vísbendinga og mynda geta notendur auðveldlega bætt orðaforða sinn, hlustunarfærni og hagnýtt minni, sem gefur þegar fram í sækir aukið sjálfstraust þegar íslenska er töluð. 

Þörfin: Í  byrjun árs 2005 voru innflytjendur sex prósent vinnuaflsins á Íslandi. Fyrir þrettán árum voru þeir níu prósent þess. Í dag vinna alls tæplega 52 þúsund innflytjendur á Íslandi og eru þeir 22,5 prósent starfandi fólks hérlendis. Þrátt fyrir þessa þróun hafa námsefni og aðferðir við íslenskukennslu haldist að mestu óbreytt. Áherslan hefur verið á lestur og ritun, með ríkri áherslu á málfræði, frekar en að þróa talfærni, sem skiptir sköpum til að aðlagast samfélaginu og byggja upp sjálfstraust. 

,,Bara tala hentar fyrir alla því forritið byggir á myndum og kosturinn við Bara tala umfram aðrar lausnir er að það þarf ekki að millilenda í öðru tungumáli eins og ensku. Þetta er eina appið sem er í boði sem kennir beint á íslensku."

 Pálmar Óli Magnússon forstjóri Daga.  

Hægt er að sækja fría prufu útgáfu af Bara tala í App store fyrir iPhone síma og Google Play fyrir Android.

Hvað inniheldur Bara tala

Grunnfærni í íslensku: Fjöldi námskeiða sem veita lykilinn að samfélaginu. Um er að ræða íslenskunámskeið sem kenna nemendum orðaforða og hlustunarfærni og veita þeim tól til að æfa sig í framburði og setningum til þess að bjarga sér í samfélaginu. 

Starfstengt íslenskunám: Námskeið sem þjálfar starfsfólk í þeim orðaforða og setningum sem notast er við á vinnustaðnum.

Við nýtum okkur þá tækni sem þegar er til staðar vegna máltækniáætlunar stjórnvalda og nýtum okkur forritaskil þeirra til að búa til efni (myndir, hljóð og texta), hljóð með talgervli og viðgjafarefni með gervigreind (myndir og texti) sem og gagnvirkni með leiðsögn

Markmið: Námskeiðin veita einstaklingum grunnfærni til að bjarga sér í samfélaginu, taka þátt í og skilja kaffistofuspjallið á vinnustöðum og að vera virkir þátttakendur í þjóðfélaginu. Vinnusértæku námskeiðin styrkja starfsfólk og auka hæfni þess, sjálfstraust og öryggi í starfi. Þannig veitir Bara tala lykilinn að samfélaginu.  Á vefsíðunni er mögulegt að nálgast yfirlit yfir virka notendur, hversu margar æfingar hafa verið kláraðar og hversu margar klukkustundir hafa verið spilaðar. 

Fyrirtæki geta nýtt sér þessar upplýsingar til að sækja um styrk frá stéttarfélögum í gegnum starfsmenntunarsjóði fyrir allt að 90% af áskriftinni að Bara tala.