Umsagnir

,,Námskeiðið skilar vel til manns þekkingu á því hvernig kröfur til stjórna hafa þróast á Íslandi, hvaða ábyrgð stjórnarmenn axla og hvaða stjórntæki er verið að nota. Námsefnið er þykkur pakki til að velja úr það sem maður vill. Þú kemur út með góða yfirsýn í farteskinu og lærdómsríka rökræðu við reynslubolta úr öllum geirum atvinnulfsins.“
Kristrún Heimisdóttir, stjórnarmaður hjá Brim hf.

,,Námskeiðið var þétt pakkað af upplýsingum allan tímann. Eyþór miðlaði yfirburðar-þekkingu á stjórnarháttum á hnitmiðaðan hátt, gestafyrirlesarar voru hver öðrum skemmtilegri og miðluðu mikilvægri innsýn inn í stjórnarstörfin og hópverkefnin voru gríðarlega mikilvæg til að spegla fyrirlestrana í ólíkri reynslu þátttakenda. Fullkomin blanda af fræðum og praktík. Lærði ótrúlega mikið og fékk algerlega ný sjónarhorn á stjórnarstörfin. Sá ekki eftir mínútu sem ég lagði í þetta námskið. Eitt allra besta nám sem ég hef tekið, langt framúr væntingum mínum. Punktur."
Geir Sigurður Jónsson

„Formið og efnistökin á námskeiðinu með blöndu af fræðilegri og praktískri nálgun á stjórnarstörf með gestafyrirlesurum úr atvinnulífinu ásamt einstaklings og hópaverkefnum hélt mér bæði mjög virkum og áhugasömum alla 10 áfanganna. Þrátt fyrir að hafa starfað með stjórnum sem framkvæmdastjóri í um 13 ár þá lærði ég margt nýtt og gat oft speglað margt úr námskeiðinu við fyrri störf sem ég er viss um að ég geti nýtt mér til í framtíðar stjórnunar – og/eða stjórnarstörfum. Ég gef því námskeiðinu Viðurkenndir stjórnarmenn mín bestu meðmæli fyrir þá sem eru í stjórnum eða hafa hug á að gefa kost á sér í stjórnir fyrirtækja og ekki síður þá sem eru stjórnendur í fyrirtækjum og eru að vinna með stjórnum eða koma að skipulagi stjórnarstarfa í sínum störfum.“
Hlynur Atli Sigurðsson, framkvæmdastjóri

„Viðurkenndir stjórnarmenn er einstaklega metnaðarfullt, vel hannað og áhugavert námskeið fyrir alla sem hafa áhuga á að sitja í stjórnum, sama hvort það er stórfyrirtæki eða húsfélag. Þungaviktarfólk úr viðskiptum og pólítík hrært snyrtilega saman með fræðunum svo úr verður girnileg blanda sem Eyþór Ívar framsetur með þekkingu og húmor. Hér er allt upp á 10,5. Allt sem þú þarft að vita um stjórnarhlutverkið á fjörugan og fræðandi máta.“
Jóhann G. Jóhannsson, MBA, framkvæmdastjóri og leikari

,,Námskeiðið var mjög gagnlegt fyrir mig sem stjórnarmann. Eins var ómetanlegt að fá alla þessa gesti með sínar reynslusögur en úrvalið var heldur betur af vandaðri gerðinni. Eftir á að hyggja sé ég eftir því að hafa ekki farið á námskeiðið fyrr."
Brynhildur S. Björnsdóttir, stjórnarformaður Sjúktratrygginga Íslands