Viðurkennd vefumsjón

Aðgerðardrifnir hæfnisþættir námskeiðsins eru:

• Styðjast við skýran stjórnunarramma til að forgangsraða í vefmálum þegar taka þarf ákvörðun um efni, þróun eða breytingar.

• Nota mælikvarða og einfalt greiningarferli til að meta árangur vefsins og taka ákvarðanir út frá gögnum í stað tilfinningar.

• Beita skipulögðu verklagi við uppbyggingu og endurbætur á vef þannig að notendaflæði, efnisflokkun og leit þjóni markmiðum rekstrarins.

• Styðjast við gátlista til að tryggja gæði, aðgengi og leitarvélavænni efnis áður en það fer í loftið.

• Fylgja skýru eftirlits- og öryggisferli til að halda vefnum uppfærðum, öruggum og í samræmi við kröfur um persónuvernd.

Námskeiðið veitir yfirgripsmikinn skilning og ítarlega þjálfun í öllum helstu þáttum vefstjórnunar – bæði tæknilega og aðferðafræðilega. Vefsíða er oft fyrsta snerting fyrirtækis eða stofnunar við viðskiptavini og því skiptir máli að þeir sem stýra og þróa vefi hafi þekkingu og færni sem þarf til að mæta kröfum nútímans, þar með talið að kunna að nýta gervigreind markvisst, örugglega og faglega í daglegri vefumsjón.

Að námskeiði loknu eiga nemendur að hafa öðlast yfirgripsmikla þekkingu á flestum þeim þáttum sem snúa að vefmálum. Nemendur verða jafnframt upplýstari kaupandi að þjónustu fyrir vefi fyrir hönd fyrirtækis og stofnana.

Á námskeiðinu koma saman reyndir gestakennarar sem eru sérfræðingar á sínu sviði. Þeir munu deila reynslu sinni og þekkingu í gegnum fjölbreytta kennsluhætti, þar sem kennt er með fyrirlestrum, æfingum og umræðum. Þessi aðferðafræði gerir þátttakendum kleift að nálgast efnið á gagnrýninn og skapandi hátt, sem eykur skilning og hagnýta þekkingu við raunverulegar aðstæður.

Námskeiðið hentar:

• vefstjórum og þeim sem bera ábyrgð á vefjum fyrirtækja og stofnana
• þeim sem sinna vefumsjón sem hluta af starfi
• þeim sem vilja hefja störf við vefi eða styrkja þekkingu sína
• Stjórnendum sem vilja öðlast betri skilning á vefverkefnum

Meðal viðfangsefna í námskeiðinu:

• Starf vefstjórans
• Tækni á vefnum
• Undirbúningur vefverkefna
• Vefhönnun og vefkerfi
• Efni og aðgengi
• Notendaprófanir
• Vefheilsa
• Markaðssetning og leitarvélabestun (SEO)
• Vefverslanir og innri vefir
• Þjónustuaukar á vef
• Öryggismál og persónuvernd

Að námskeiði loknu eiga þátttakendur að:

• hafa öðlast yfirgripsmikla þekkingu á flestum þáttum sem snúa að vefmálum
• vera upplýstari kaupandi að vefþjónustu og geta betur mótað kröfur, metið tilboð og stýrt samstarfi við birgja
• geta nálgast vefverkefni á gagnrýninn og skapandi hátt og beitt þekkingunni við raunverulegar aðstæður

Umsjón með námskeiðinu hefur Hildur Óskarsdóttir

Hildur starfar sem stafrænn vörustjóri (Digital Product manager) hjá Icelandair. Hún starfaði áður sem vefstjóri Flugfélags Íslands frá árinu 2012. Hildur hefur starfað i vefiðnaðinum frá árinu 2001 þegar hún varð vefstjóri Pennans. Hún hefur setið í stjórn faghóps um vefstjórnun hjá Ský og verið í stjórn Vertonet, samtaka kvenna í upplýsingatækni á Íslandi. Hildur hafði umsjón með hlaðvarpinu Konur í tækni fyrir hönd félagsins.

Hildur er með B.A. próf í bókmenntafræði, M.Sc. í markaðsfræði og alþjóðaviðskiptum og M.Ed. i upplýsingatækni og miðlun frá Háskóla Íslands.

Auk Hildar verða fjölmargir gestafyrirlesarar sem deila þekkingu sinni og reynslu með nemendum.

Meðal gesta á fyrra námskeiði voru:

• Björgvin Pétur Sigurjónsson, Creative director hjá Jökulá og formaður SVEF
• Davíð Halldórsson, framkvæmdarstjóri Avista
• Guðný Danivalsdóttir, vefstjóri Seðlabanka Íslands
• Hallur Þór Halldórsson, vefstjóri Landsnets
• Hörður Ásbjörnsson, yfirhönnuður hjá Icelandair
• Jóhanna Símonardóttir, framkvæmdarstjóri Sjá
• Lena Dögg Dagbjartsdóttir, sérfræðingur í skýjalausnum og prófunum
• Óskar Völundarson, Content architect hjá Icelandair
• Sigurjón Ólafsson, ráðgjafi og sviðsstjóri þjónustu og þróunar hjá Hafnarfjarðarbæ
• Sindri Sigurður Jónsson, Digital Product Owner hjá Íslandsbanka
• Anna María Einarsdóttir, vefstjóri Háskóla Íslands
• Auður Ösp Ólafsdóttir, markaðsklappstýra
• Steinunn Jónasdóttir, vörustjóri stafrænnar þjónustu hjá Verði
• Helena María Agnarsdóttir, tölvu- og tækniráðgjafi hjá Sjónstöðinni
• Guðrún Valdís Jónsdóttir, Director Security Management hjá Syndis
• Kolbrún Klara Gísladóttir, kerfisstjóri hjá Auðkenni
• Þórhildur L. Sigurðardóttir (Tóta), brandari hjá sköpunarstofunni Kúper Blakk
• Þórkell Þórðarson, deildarstjóri stafrænnar þróunar hjá Elko

Hagnýtar upplýsingar:

• Námskeiðið hefst 23. mars 2026.
• Kennt verður mánudaga 13:00 - 16:00 og þriðjudaga 9:00 - 12:00 í 10 vikur (athugið að vegna frídaga færast tveir kennsludagar til).
• Námið er í boði sem staðnám í Borgartúni 23, fjarnám (í beinni á netinu eða með upptökum þegar hentar) eða sem blönduð námsleið. 
• Námið er um 60 klst., þ.e. 10 áfangar, 6 klst. hver áfangi + heimapróf.  
• Námsmat: Verkefni og hópverkefni unnin í tíma og einstaklingslokaverkefni.
• Verð 469.000kr.  
• Sjá reiknivél hér að neðan hvaða áhrif styrkir geta haft á verð námskeiðs
• Hægt er að greiða með kreditkorti og fá reikning í heimabanka en jafnframt dreifa greiðslum. Hafið samband við bokhald@akademias.is til að dreifa greiðslum.
• Mörg stéttarfélög veita styrk í gegnum Starfsmenntunarsjóð fyrir allt að 90% af náminu en jafnframt eru aðrar styrkjaleiðir færar fyrir fyrirtæki (sjá t.d. www.attin.is). Hafðu samband og við aðstoðum asdis@akademias.is

Allar nánari upplýsingar um námið gefur Þórarinn Hjálmarsson, thorarinn@akademias.is.