miniMBA – Stjórnun og rekstur fyrirmyndarfyrirtækja

Stjórnun og rekstur fyrirtækja hefur tekið miklum breytingum á undanförnum árum. Ný tækni og aðferðafræði kallar á ný vinnubrögð stjórnenda. Námskeiðið leggur áherslu á almenna stjórnun og rekstrarhagfræði fyrir fyrirmyndarfyrirtæki eða fyrirtæki sem vilja komast í fremstu röð. Áhersla er á að hjálpa stjórnendum að búa til rekstrarramma og umgjörð sem bæði tekur mið af skilvirkni og hagkvæmni og sóknartækifærum og nýsköpun. Námskeiðið er fyrir alla stjórnendum, nýja og  gamla, sem vilja uppfæra sig og endursskilgreina rekstur fyrirtækja með aukinn árangur að leiðarljósi.

Umsjónarmaður er Dr. Eyþór Ívar Jónsson, einn reyndasti MBA kennari Norðurlandanna sem hefur verið leiðandi í MBA náminu í Copenhagen Business School í fimmtán ár og kennt MBA við fjölda háskóla ásamt því sem hann er Vice President fyrir European Academy of Management sem er samstarfsvettvangur 50 háskóla. Eyþór hefur jafnframt stýrt námslínunni Viðurkenndir stjórnarmenn, sem er leiðandi nám í stjórnarháttum á Íslandi, í um áratug.

Leiðbeinendur námsins eru um tíu talsins sem eru sérfræðingar í stjórnun og rekstrarhagfræði og hafa allir stýrt stórum og litlum fyrirtækjum til árangur. Í hverjum áfanga munu leiðbeinendur segja frá eigin reynslu og raundæmum.

miniMBA – Stjórnun og rekstur fyrirmyndarfyrirtækja snýst um að skapa þekkingu, færni og leikni sem tengist almennum rekstri félaga og stofnana. Á námskeiðinu lærir fólk að skipuleggja fyrirtækið og störf, gera áætlanir og setja markmið, skapa starfsumgjörð og menningu og taka markvirkar ákvarðanir.

Aðferðafræðin byggir á stuttum hópverkefnum, fyrirlestrum og samtölum sérfræðinga.

Áfangar:

1. Markvirk stjórnun
   Hlutverk og ábyrgð stjórnandans
   Stefnumótun og framkvæmd
   Val á fólki og samstarfsaðilum
   Sjálfsþekking og jafnvægi
2. Skilvirkur rekstur
   Skipulag rekstrar
   Ferlar og kerfi
   Markmið og mælikvarðar
   Fjármála- og félagslæsi
   
3. Framleiðsla og þjónusta
   Framleiðsluferli og hagkvæmni
   Virðiskeðjur
   Þjónustuáherslur
   Lærdómur og eftirfylgni  
4. Starfsfólk, samskipti og menning
   Laun, hvatning og framganga
   Samskipti og samvinna
   Skipulag starfa
   Viðeigandi menning
5. Þróun, nýsköpun og verðmætasköpun
   Tækifæri til árangurs
   Viðskiptaþróun
   Nýsköpun í ólíkum víddum
   Verðmætasköpun fyrir viðskiptavininn

 

HAGNÝTAR UPPLÝSINGAR

Námskeiðið byrjar  og er kennt á miðvikudögum 13:00 – 16:00 og fimmtudögum 9:00 – 12:00 fram til 20. október.

Námskeiðið er kennt í stað- og fjarkennslu. Námskeiðið er 30 klst., þ.e. 5 áfangar, 6 klst. hver áfangi. Einnig er gera nemendur einstaklingsverkefni fyrir utan kennslutíma.

Námsmat: Einstaklingsverkefni og hópverkefni.

Verð: 290.000 – 

Leiðbeinendur:

Ágúst Einarsson - Prófessor Emeritus
Árni Oddur Þórðarson - Forstjóri Marel 
Svava Jóhannsen – Framkvæmdastjóri NTC
Guðbrandur Sigurðsson - Framkvæmdastjóri Brynju
Hrefna Ösp Sigfinnsdóttir - Framkvæmdastjóri CreditInfo
Gísli Herjólfsson - Framkvæmdastjóri Controlant
Jón Björnsson - Forstjóri Origo
Bjarni Ármannsson - Forstjóri Iceland Seafood International
Georg Lúðvíksson - f.v. Forstjóri Meniga
Eyþór Ívar Jónsson - Forseti Akademias
o.fl.

Hægt er að greiða með kreditkorti og fá reikning í heimabanka en jafnframt dreifa greiðslum í allt að 6 mánuði. Hafið samband við bokhald@akademias.is til að dreifa greiðslum.

Mörg stéttarfélög veita styrk í gegnum Starfsmenntunarsjóð fyrir allt að 90% af náminu en jafnframt eru aðrar styrkjaleiðir færar fyrir fyrirtæki, óháð starfsmanni (sjá www.attin.is). Hafðu samband og við aðstoðum akademias@akademias.is.