Leiðtogi í verðbréfaviðskiptum

Fagmennska í fjárfestingum byggir á dýpri innsýn í samspil áhættu, ávöxtunar og markaðshegðunar. Þeir sem starfa við ráðgjöf, eignastýringu, sjóðastjórn eða viðskipti með verðbréf þurfa að geta tekið upplýstar ákvarðanir á grundvelli staðreynda, greininga og reiknilíkana.

Námskeiðið Leiðtogi í verðbréfaviðskiptum er sérstaklega hannað fyrir þá sem stefna á að ljúka prófi til verðbréfaréttinda og vilja öðlast faglega færni til að vinna með verðbréf og stýra fjárfestingum með ábyrgum hætti.

Byggt á nýjustu prófefnislýsingu frá október 2024, veitir námskeiðið djúpa og skipulega innsýn í tegundir verðbréfa, ávöxtunarmælingar, virðismat fyrirtækja, áhættugreiningu, fjárfestingarstefnur og þjóðhagslega þætti sem hafa áhrif á markaði. Umfjöllunin tengir saman kenningar og aðferðir sem nýttar eru í alþjóðlegu samhengi við íslenskan veruleika og lögð er áhersla á hagnýtingu í raunverulegum aðstæðum.

Markmið námskeiðsins

• Undirbúa þátttakendur fyrir viðskiptafræðihluta prófs til verðbréfaréttinda.
• Kenna greiningu og beitingu virðismatsaðferða á hlutabréf og skuldabréf.
• Auka færni til að meta áhættu og byggja eignasöfn.
• Fjalla um hagnýta notkun fjárfestingarstefna og þjóðhagslegra þátta.

Helstu viðfangsefni

• Verðbréf og fjármálagerningar
• Virðismat og ávöxtun
• Áhætta og eignadreifing
• Eignastýring og árangursmælingar
• Viðskiptahættir og framkvæmd viðskipta
• Gjaldeyrismarkaður og þjóðhagfræði

Kennari námskeiðsins

Ólafur Freyr Frímannsson, lögmaður og Msc í fjármálum fyrirtækja. Ólafur hefur m.a. stofnað og rekið félag með skráningu sem rekstraraðili sérhæfðra sjóða hjá Seðlabanka Íslands.

Hagnýtar upplýsingar

ATH: Námskeiðið er bæði í stað- og fjarnámi. Nemendur í fjarnámi geta valið að vera í beinni á Zoom eða horft á upptökurnar þegar hentar. Nemendur í staðnámi mæta í Borgartún 23, 3. hæð. 

Námskeiðið er 18 klst., þ.e. 6 áfangar, 3 klst. hver áfangi. Kennsla hefst 17. nóvember og er kennt á mánudögum 17-20 og miðvikudögum 17-20 í þrjár vikur.

Námsmat: Einstaklingsverkefni.

Námsgjöld: 269.000 kr. 

Hægt er að greiða með kreditkorti og fá reikning í heimabanka en jafnframt dreifa greiðslum í allt að 6 mánuði. Hafið samband við bokhald@akademias.is til að dreifa greiðslum.

Mörg stéttarfélög veita styrk í gegnum Starfsmenntunarsjóð fyrir allt að 90% af náminu en jafnframt eru aðrar styrkjaleiðir færar fyrir fyrirtæki, óháð starfsmanni (sjá www.attin.is). Hafðu samband og við aðstoðum akademias@akademias.is.