Lýsing námskeiðs og skráning

Leiðtogi í notkun gervigreindar í viðskiptum

ChatGPT er tækni sem hefur farið eins og eldur í sinu um viðskiptaheiminn. Mörg fyrirtæki eru að reyna að endurhugsa verðmætasköpun og nota gervigreind sem hluta af lausnum og þjónustu. Tæknin er komin til með að vera en það er spurning hvernig má nota hana til þess að auka skilvirkni og markvirkni innan fyrirtækja og efla verðmætasköpun. Námskeiðið miðar að því að taka púlsinn á því sem er að gerast í viðskiptaheiminum hér á landi og erlendis með tilkomu ChatGTP og almennrar notkunar gervigreindar.

Námið hjálpar fólki og fyrirtækjum að nýta aðgengilega gervigreind til þess að auka skilvirkni og markvirkni innan fyrirtækja og hvernig á að búa til nýjar lausnir og viðskiptamódel sem byggja á nýrri tækni. Farið er yfir notkun ChatGTP og gervigreindalausna í fremstu fyrirtækjum á Íslandi og erlendis og aðferðafræði kennd til þess að nýta tæknina til þess að búa til lausnir, verkfæri og verkefni.

Aðferðafræðin námsins byggir á hóp- og einstaklingsverkefnum, samtölum sérfræðinga og fyrirlestrum fólks úr akademíunni og atvinnulífinu. Tveir til þrír leiðbeinendur eru í hverjum áfanga, bæði úr akademíu og atvinnulífinu.

Námið er afar hagkvæmt og markmiðið er að þátttakendur geti byrjað að nota aðferðirnar, tól og tæki strax í sínum störfum. Námið er í boði staðnám, fjarnám (í beinni á netinu eða með upptökum þegar hentar) eða sem blönduð námsleið.

Áfangar

  1. Notkun ChatGPT og gervigreindar á Íslandi
    • Forsaga gervigreindar og Chat GPT
    • Dæmi um notkun í íslenskum fyrirtækjum
    • Áhrif og árangur nýrrar tækni – Skilvirkni og nýsköpun
    • Verkefni: Uppsetning á ChatGPT umhverfi
  2. Skilvirkni og gervigreind
    • Hvernig getur gervigreind aukið skilvirkni
    • Dæmi um hvernig ChatGPT er auka skilvirkni
    • Sjálfvirknivæðing ferla
    • Verkefni: Búa til einfaldan ChatGPT spjallmenni
  3. Nýsköpun og gervigreind
    • Hvernig getur gervigreind aukið nýsköpun
    • Dæmi um nýsköpun byggða á gervigreind
    • Viðskiptamódel sem byggja á gervigreind
    • Verkefni: Hugmyndaregn um ný viðskiptamódel/hugmyndir
  4. Notkun gervigreindar í ákvarðanatöku
    • Hvernig getur gervigreind dregið úr bjögun
    • Dæmi um ákvarðanaferli byggð á gervigreind
    • ChatGPT í stefnumótun og áhættustjórnun
    • Verkefni: Búa til ákvarðanaferli með ChatGPT
  5. Verðmætasköpun fyrir viðskiptavini og markaðssetning
    • Hvernig hjálpar gervigreind í markaðsrannsóknum og sölu?
    • Dæmi um markaðssókn íslenskra fyrirtækja
    • Greining á gögnum og hegðun byggð á gervigreind
    • Verkefni: Búa til markaðsáætlun með gervigreind
  6. Framtíð gervigreindar í viðskiptum
    • Siðferðileg álitamál þegar kemur að notkun gervigreindar
    • Trend og tæknibreytingar til framtíðar
    • Dæmi um framtíðarsýn
    • Verkefni: Undirbúningur fyrir framtíðina

Leiðbeinendur:

  • Dr. Eyþór Ívar Jónsson – Forseti Akademias
  • Stefán Baxter - Framkvæmdastjóri Snjallgagna
  • Ágúst Björnsson – Stofnandi ST2
  • Bjarni Þor Gíslason - Stofnandi Gagnagúrú
  • Helgi Hrafn Halldórsson - Framkvæmdastjóri Maven
  • Friðþjófur "Diddi" Bergmann - Sérfræðingur hjá Crayon
  • Brynjólfur Borgar Jónsson - Framkvæmdastjóri DataLab

* Listinn verður uppfærður.

HAGNÝTAR UPPLÝSINGAR

Námskeiðið hefst 2. apríl 2024. Kennt verður í 3 vikur á þriðjudögum frá 13-16 og á miðvikudögu frá 9-12, fram til 18. apríl.

Námið er í boði sem staðnám í Borgartúni 23 eða fjarnám (í beinni á netinu eða með upptökum þegar hentar) eða sem blönduð námsleið. 

Námið er  18 klst., þ.e. 6 áfangar, 3 klst. hver áfangi.

Námsmat: Hópverkefni unnið í tíma og einstaklingsheimaverkefni.

Námsgjöld: 269.000 kr. 

Hægt er að greiða með kreditkorti og fá reikning í heimabanka en jafnframt dreifa greiðslum í allt að 6 mánuði. Hafið samband við bokhald@akademias.is til að dreifa greiðslum.

Mörg stéttarfélög veita styrk í gegnum Starfsmenntunarsjóð fyrir allt að 90% af náminu en jafnframt eru aðrar styrkjaleiðir færar fyrir fyrirtæki, óháð starfsmanni (sjá www.attin.is). Hafðu samband og við aðstoðum akademias@akademias.is.

 

Leiðbeinendur

Ágúst Björnsson, stofnandi Stragile

Brynjólfur Borgar Jónsson, stofnandi DataLab Ísland

Dr. Eyþór Ívar Jónsson

Stefán Baxter

Hoobla - Systir Akademias