Frá hugmynd í rekstur – 10 vikna AI-hraðall

Gerðu drauminn að veruleika og byggðu upp sjálfbæran rekstur í Akademias AI-hraðli sem flýtir ferlinu að búa til fyrirtæki úr mánuðum og árum í 10 vikur.

Ertu með viðskiptahugmynd en vantar skýra leið inn á markað? Viltu byggja upp rekstur á þínum forsendum án þess að vera háð/ur fjárfestum?

Þessi 10 vikna AI-hraðall er hannaður fyrir frumkvöðla sem vilja láta verkin tala. Við leggjum til hliðar hefðbundnar glærukynningar fyrir fjárfesta en setjum allan fókus á það sem skiptir máli: Að búa til vöru sem leysir vandamál, finna viðskiptavini sem eru tilbúnir að borga, og nýta nýjustu gervigreindartækni til að gera þetta allt á methraða.

Þú færð aðgang að öflugum verkfærum, reyndum mentorum og hagnýtri þjálfun sem hjálpar þér að breyta hugmynd í rekstur.

Ávinningur

• Hagnýtt skipulag: Þú ferð í gegnum prófað ferli frá hugmyndavinnu yfir í sölu.
• Gervigreind sem meðstofnandi: Þú lærir að beita tólum eins og ChatGPT, Perplexity og Gamma til að spara þér hundruð vinnustunda í markaðsrannsóknum, textagerð og hönnun.
• Mentorstuðningur: Tveir sérstakir vinnufundir með reyndum aðilum úr atvinnulífinu sem rýna í hugmyndina þína.
• Sjálfbærni: Áhersla á „bootstrapping“ – að byggja upp sjóðstreymi og rekstur án mikillar ytri fjármögnunar.

Fyrir hverja?

Hraðallinn hentar einstaklingum og teymum sem:

• Eru með viðskiptahugmynd á frumstigi eða vilja skerpa á starfandi nýsköpunarverkefni.
• Vilja nýta tæknina til að vinna hraðar og betur.
• Stefna að því að fjármagna uppbygginguna sjálf (eða með styrkjum) og vilja ná í tekjur sem fyrst.

Um námskeiðið

Í tíu vikur hittumst við vikulega í hybrid vinnustofum (blanda af staðnámi og fjarfundum) þar sem farið er í stutta fyrirlestra og unnið beint í verkefnum. Milli tíma vinna þátttakendur að framgangi hugmyndarinnar með stuðningi rafrænna gagna og gervigreindarverkfæra.

Ólíkt hefðbundnum hröðlum sem miða oft að því að undirbúa „investor pitch“ snýst þessi hraðall um framkvæmd og sölu. Við nýtum gervigreind markvisst í hverri viku til að minnka handavinnu svo þú getir einbeitt þér að því að tala við kúnna og móta vöruna.

Innifalið í námskeiðinu:

• 10 vinnustofur undir leiðsögn sérfræðinga.
• Aðgangur að stafrænni verkfærakistu með leiðbeiningum (prompts) fyrir gervigreindartól.
• Persónuleg endurgjöf og handleiðsla.
• Aðgangur að tengslaneti og samfélagi frumkvöðla.

Aðalleiðbeinandi:

Aðalleiðbeinandi er Dr. Eyþór Ívar Jónsson sem er frumkvöðull í að hanna, þróa og reka viðskiptahraðla. Hann bjó til fyrsta hraðalinn á Íslandi, Viðskiptasmiðjuna, í samstarfi við Háskólann í Reykjavík og Startup-Reykjavík sem var samstarfsverkefni Klak (og Innovit) og Arion banka. Eyþór bjó til fyrsta hraðallinn fyrir vaxtarfyrirtæki í Evrópu sem var Growth-Train í Danmörku og bjó til hraðal fyrir MBA nemendur Copenhagen Business School. Hann hefur verið ráðgjafi viðskiptahraðla í Danmörku, Noregi, Svíþjóð, Ítalíu, Þýskalandi, Bretlandi, Marokko og Dubai. Eyþór er meðstofnandi og forseti Akademias.

Fjöldi ráðgjafa og mentora kemur einnig að kennslu og aðstoð við frumkvöðla.

Dagskrá og fyrirkomulag

Hraðallinn skiptist í þrjá fasa sem leiða þig skref fyrir skref í átt að markmiðinu.

Fasi 1: Grundvöllurinn (Vika 1-3)

Leysir hugmyndin raunverulegt vandamál.

• Vika 1: Problem-Solution Fit & Lean Canvas með aðstoð AI.
• Vika 2: Markaðsgreining og viðtöl við viðskiptavini (Customer Discovery).
• Vika 3: Mótun virðistillögu og söluræðu.

Fasi 2: Þróun og prófun (Vika 4-6)

Frá hugmynd til veruleika.

• Vika 4: MENTOR FUNDUR I – Raunveruleikatékkið. Mentorar rýna í módelið.
• Vika 5: Smíði á MVP (minnstu mögulegu vöru) og frumgerð með lágmarkstilkostnaði.
• Vika 6: Sölutilraunir og markaðsprófanir í raunheimum.

Fasi 3: Rekstur og framtíð (Vika 7-10)

Fjármál, vöxtur og vegferðin áfram.

• Vika 7: Fjármögnun og sjóðstreymi fyrir sjálfsfjármagnaðan rekstur.
• Vika 8: Sala og markaðssetning og sjálfvirknivæðing markaðstarfs.
• Vika 9: MENTOR FUNDUR II – Stefnumótun og næstu skref.
• Vika 10: Uppskeruhátíð – Kynning á vegferð og útskrift.

Hagnýtar upplýsingar

Tímasetning: Námskeiðið hefst föstudaginn 23. janúar og stendur til 27. mars. Kennt er alla föstudaga frá kl. 13:00 – 15:00.

Staðsetning: Hybrid vinnustofur (nánari staðsetning auglýst síðar / Zoom hlekkur sendur á þátttakendur).

Verð: 299.000 kr. Fyrir hvern aukaþátttakanda úr sama teymi greiðist 90.000 kr. aukalega.

Athugið: Hægt er að sækja um styrki til stéttarfélaga og starfsmenntasjóða vegna námskeiðsins. Sjá reiknivél hér að neðan.