Canva 101

Canva er einfalt og fjölhæft hönnunarforrit sem hentar bæði fyrirtækjum og einstaklingum. Með notendavænu viðmóti og fjölbreyttum sniðmátum geta notendur skapað faglega hönnun á skömmum tíma. Fyrirtæki nýta Canva til að styrkja markaðssetningu, mynda samræmt útlit, búa til sérsniðin efni fyrir samfélagsmiðla og vinna saman í teymum í rauntíma. Forritið hentar einnig einstaklega vel í kennslu þar sem hægt er að útbúa og sækja námsefni fyrir ólík skólastig.

Með þessu öfluga og fjölbreytta tóli er hægt að hanna allt frá glærukynningum, hugarkortum og myndböndum yfir í skjöl, skýrslur, bæklinga, plaköt, ferilskrár, hátíðarkort og efni fyrir alla helstu samfélagsmiðla. Canva er ódýr, aðgengileg og auðveld lausn fyrir alla sem vilja koma hugmyndum á framfæri á sjónrænan hátt — hvort sem það eru stjórnendur, kennarar, markaðsfólk, frumkvöðlar, hönnuðir eða skapandi einstaklingar.

Markmið námskeiðsins er m.a. að nemandi:

• Kynnist viðmótinu, stofni aðgang og læri að vinna með innra viðmótið

• Geti unnið með texta, myndir, myndbönd og tónlist í sniðmátum

• Geti hlaðið upp skjölum, vistað og deilt hönnun með öðrum

• Nýti verklegar æfingar til að geta búið til sitt eigið efni strax að námskeiði loknu

Fyrir hverja?
Námskeiðið hentar öllum sem vilja læra fyrstu skrefin í Canva og kynna sér helstu möguleika forritsins. Canva er mikið notað af grafískum hönnuðum, markaðs- og samfélagsmiðlastjórum, kennurum, fyrirtækjaeigendum og sjálfstætt starfandi einstaklingum — en ekki síður öllum sem hafa gaman af því að skapa, hanna og búa til sitt eigið efni á einfaldan og skemmtilegan hátt.

Um kennarann

Margrét Lena Kristensen hefur notað Canva í mörg ár og hannað bæði rafrænt og útprentað efni til útprentunar s.s. markaðs-, sölu- og kynningarefni, ársskýrslur o.fl. fyrir fyrirtæki og einstaklinga. Margrét er með meistaragráðu á sviði líf- og læknavísinda en hefur sérhæft sig í verkefnastjórnun og í skapandi lausnum. Margrét Lena hefur gegnt hlutverki verkefnastjóra Hugvita - Nýsköpunarseturs Hafnarfjarðar frá stofnun þess, þróað starfsemina og haldið utan um rekstur þess en þar hefur Canva nýst vel í fjölbreyttum og ólíkum verkefnum. 

Hagnýtar upplýsingar

• Tímalengd: 3 klst.
• Verð: 29.900 kr.
• Dagsetningar í janúar:
  • 27. janúar kl. 17:00
  • 17. febrúar kl. 17:00
• Staðnám hjá Akademías í Borgartúni 23, 3.hæð.
• Hámarksfjöldi: 30 þátttakendur á hverju námskeiði.

Hægt er að greiða með kreditkorti og fá reikning í heimabanka en jafnframt dreifa greiðslum. Hafið samband við bokhald@akademias.is til að dreifa greiðslum.

Mörg stéttarfélög veita styrk í gegnum Starfsmenntunarsjóð fyrir allt að 90% af náminu en jafnframt eru aðrar styrkjaleiðir færar fyrir fyrirtæki (sjá t.d. www.attin.is). Hafðu samband og við aðstoðum asdis@akademias.is