Lífeyrismál á mannamáli

Hvað veistu um lífeyrismál? Viltu vita meira? 

Á þessu námskeiði verður farið yfir helstu þætti er varðar lífeyrisréttindi, sparnað og hvernig þú hámarkar þín lífeyrisréttindi til lengri tíma. Nemendur kynnast grunnatriðum lífeyriskerfisins á Íslandi, þar á meðal muninum á almennum lífeyrisréttindum og séreignarsparnaði. 

Fjallað verður um mikilvægi þess að huga að réttindum og hvernig hægt er að hámarka þau með því að nýta þau tækifæri sem kerfið býður upp á. Einnig mikilvægi þess hvað nýir aðilar á vinnumarkaði þurfa sérstaklega að hafa í huga. 

Einnig verður farið yfir ávinnslu réttinda, réttindi sem tengjast áfallatryggingum, hvernig eftirlaunagreiðslum er háttað og hvernig lífeyrir og almannatryggingar vinna saman. 

Markmiðið er að þátttakendur öðlist skilning á lífeyrismálum, hvernig hægt er að fylgjast með réttindum og gera áætlun fyrir framtíðina.

Fyrir hverja?

Alla þátttakendur á atvinnumarkaði sem vilja fylgjast með sínum réttindum og leggja línurnar fyrir framtíðina.