Sérfræðingur í samningatækni

Á námskeiðinu er lögð áhersla á að skoða samningatækni út frá ólíkum sjónarhólum og þjálfa þátttakendur í að verða betri í samningatækni sem nýtist við ólíkar aðstæður. Við semjum á hverjum degi, hvort sem við gerum okkur grein fyrir því eða ekki. Samningatækni er því hæfni sem allir þurfa að kunna skil á og geta nýtt sér. Sérstaklega er lögð áhersla á samningatækni í viðskiptum og efnahagsmálum. Einnig er farið í gegnum samskiptatækni sem getur haft áhrif á niðustöðu samninga.  

Námskeiðið byggist annars vegar á raunsögum frá erfiðum samningaferlum þar sem farið er yfir hvernig ferlið fór fram og hvernig lesið var  í stöðuna. Hins vegar byggir námskeiðið á stuttum fyrirlestrum og æfingum sem hjálpa þátttakendum við að þjálfa upp tækni og aðferðafræði sem nýtist við alls konar aðstæður.

Meðal leiðbeinenda á síðasta námskeiði voru:

Lee Buchheit - Aðalsamningamaður Íslands í Icesave deilunni.
Stefán Haukur Jóhannesson – Sendiherra og aðalsamningamaður Íslands í mörgum alþjóðlegum samningum. 
Heiðrún Lind Marteinsdóttir – Framkvæmdastjóri samtaka fyrirtækja í sjávarútvegi
Stefán Eiríksson – Fv. Lögreglustjóri á höfuðborgarsvæðinu og útvarpsstjóri Ríkisútvarpsins (RUV)
Erlendur Svavarsson – Framkvæmdastjóri Cabo Verde Airlines
Guðmundur Arnar Guðmundsson - Framkvæmdastjóri Akademias

Listinn verður uppfærður

Umsjónaraðili námskeiðsins er dr. Eyþór Ívar Jónsson sem er einn reyndasti MBA kennari Norðurlandanna sem hefur verið leiðandi í MBA náminu í Copenhagen Business School í fimmtán ár og kennt MBA við fjölda háskóla. Leiðbeinendur námsins eru sérfræðingar í samningatækni. Hver áfangi hefur á bilinu 2 – 3 leiðbeinendur sem segja frá eigin reynslu og raundæmum.

Aðferðafræðin byggir á stuttum hópverkefnum, fyrirlestrum og samtölum sérfræðinga. Aðferðafræðin leggur áherslu á samskiptahæfni, lausn vandamála og greiningu tækifæra, gagnrýna- og skapandi hugsun.

Áfangar:

1. Ágreiningur og úrlausnir (3 klst)
   1. Samningurinn um Ísland
   2. Lögfræðileg álitaefni
   3. Hegðun fólks og ákvarðanir
2. Samskipti og samningtækni (3 klst)
   
   1. Auðlindir og skipting gæða
   2. Ágreiningur og úrlausnarefni
   3. Alþjóðlegir samninga
3. Verðmætaaukning og gagnkvæmur ávinningur (3 klst)
   1. Fólk og sameiginlegur ávinningur
   2. Uppskipting og aukning verðmæta
   3. Sigrar til skemmri og lengri tíma
4. Viðræður og spurningar (3 klst)
   1. Samkennd og samvinna
   2. Ferli og skipulag
   3. Síðasta orðið
5. Greiningar á samningaferli (3 klst)
   1. Sviðsmyndir samningaviðræðna
   2. Leikritið
   3. Óvæntir atburðir
6. Vinnustofa í samningatækni (3 klst)
   1. Æfingar í samningum
   2. Endurgjöf  
   3. Lærdómur og eftirfylgni

Hagnýtar upplýsingar

Námið er í boði sem staðnám, fjarnám (í beinni á netinu eða með upptökum þegar hentar) eða sem blönduð námsleið eins og hentar þátttakendum hverju sinni.

Námskeiðið

Kennt verður á miðvikudögum frá 13:00-16:00 og á fimmtudögum frá 9:00 - 12:00 í 3 vikur.

Námsmat: Hópverkefni.

Verð: 240.000 kr. Snemmskráningarverð 190.000

Hægt er að greiða með kreditkorti og fá reikning í heimabanka en jafnframt dreifa greiðslum í allt að 6 mánuði. Hafið samband við bokhald@akademias.is til að dreifa greiðslum.

Mörg stéttarfélög veita styrk í gegnum Starfsmenntunarsjóð fyrir allt að 90% af náminu en jafnframt eru aðrar styrkjaleiðir færar fyrir fyrirtæki, óháð starfsmanni (sjá www.attin.is). Hafðu samband og við aðstoðum akademias@akademias.is.