Lýsing námskeiðs & skráning

Google Workspace djúpköfun

Google Workspace er öflug skrifstofusvíta full af hugbúnaði til að einfalda og bæta rekstur fyrirtækja. Workspace fæddist á Netinu og býr því öll þar. Workspace hét áður Google Apps og svo G-Suite. Svítan talar vel við aðrar lausnir á Netinu og er hægt að tengja hana við ýmislegt. Það eru um 6 milljón fyrirtæki og 120 milljón nemendur sem nota Workspace í dag. Workspace býður upp á póst, spjall, fjarfundi, ritvinnslu, glærugerð, gluggareikni, gagnasvæði og ýmislegt fleira sniðugt. En hvernig er best að nýta sér Workspace og stilla það?

Á námskeiðinu er fjallað um:

  • Hvað er sniðugt við Workspace?
  • Uppsetning og bestu stillingar
  • Stjórnandaviðmótið
  • Fáðu frekari aðstoð eða hjálpaðu þér sjálfur
  • Viðbætur við lausnir
  • Unnið saman í Drive
  • Spjall fyrir teymi í Chat
  • Fjarfundir með Meet
  • Meira sniðugt í kringum Workspace

Hagnýt atriði:

  • Fjarnám alltaf í boði, byrjaðu að læra núna!
  • Skráning gefur aðgang að náminu í 12 mánuði og hægt er að horfa og læra eins oft og fólk kýs á tímabilinu.
  • Verð 29.900 kr.
  • Námið er í fjórum hlutum og er um 1 klst í heildina.
  • Mörg stéttarfélög veita styrk fyrir allt að 90% af námskeiðsgjaldi. Vinnumálastofnun styrkir jafnframt skjólstæðinga sína um 75% af námskeiðsgjaldi. Fyrirtæki geta einnig sótt um styrk í gegnum Starfsmenntunarsjóð (óháð starfsmanni) inná www.attin.is

Fyrir hverja?

Google Workspace djúpköfun er fyrir þau sem vilja afgreiða sig sjálf með fyrirtækjapóst og allt sem því fylgir. Námskeiðið er smá tæknilegt en þó aðgengilegt flestum sem þekkja til veflausna. Workspace hentar flestum skipulagsheildum og er vinsælt hjá fyrirtækjum af öllum stærðum og gerðum, skólum og stofnunum. Workspace hentar sprotum sérstaklega vel.

Kennari:

Atli Stefán Yngvason er ráðsali og rekur ráðgjafafélagið Koala. Atli Stefán er uppalinn í fjarskiptabransanum og veitir fjarskipta- og ferðaþjónustufélögum ráð í markaðsmálum og upplýsingatækni. Atli er líka alhliðanörd, fylgist vel með tækni, stofnaði tæknibloggið Simon.is og er stjórnandi hlaðvarpsins Tæknivarpið. Hann elskar að fikta í tækjum og kerfum, og er alltaf að skoða eitthvað nýtt. Hann hefur unnið nokkur verkefni í kringum Workspace og er kerfisstjóri-í-láni fyrir nokkur fyrirtæki.

 

 

Leiðbeinandi

Atli Stefán Yngvason