miniMBA: Fjármál fyrirtækja, fjártækni og árangursstjórnun

miniMBA í fjármálum fyrirtækja, fjártækni og árangursstjórnun snýst um að skapa þekkingu, færni og leikni sem tengist fjármála- og árangurslæsi stjórnenda og sérfræðinga hvort sem er í einkageiranum, hjá hinu opinbera eða í þriðja geiranum. Í miniMBA lærir fólk um breytt fjármálaumhverfi, fjárhagslega endurskipulagningu fyrirtækja, mikilvæga árangursmælikvarða og árangursstjórnun og jafnframt drifkrafta verðmætasköpunar í heimi fjórðu iðnbyltingarinnar.

Námskeiðið er hugsað jafnt fyrir þá sem hafa bakgrunn í fjármálum og stjórnendur sem vilja efla fjármálalæsi og fjártæknilæsi.

Námið er samstarfsverkefni fjölda sérfræðinga og fyrirtækja sem vilja tryggja að Íslenskt atvinnulíf verði í farabroddi þegar kemur að fjártæknilæsi og árangursstjórnun. Fjártækni er að umbreyta fjármálamörkuðum og rekstri fyrirtækja. Stjórnendur fyrirtækja verða leggja áherslu á endurskipulagningu og árangursstjórnun í ljósi tæknibreytinga til þess að leiða fyrirtæki til framtíðar.

Leiðbeinendur námsins eru um 10 talsins sem eru sérfræðingar í fjármálum, fjártækni og árangursstjórnun. Hver áfangi hefur á bilinu 2 – 3 leiðbeinendur sem segja frá eigin reynslu og raundæmum.

Umsjónarmaður er dr. Eyþór Ívar Jónsson, einn reyndasti MBA kennari Norðurlandanna sem hefur verið leiðandi í MBA náminu í Copenhagen Business School í fimmtán ár og kennt MBA við fjölda háskóla. Eyþór hefur stýrt endurskipulagningu á fyrirtækjum í tvo áratugi og stýrt hröðlum sem hafa lagt áherslu á sprotafyrirtæki í fjártækni.

Aðferðafræðin byggir á stuttum hópverkefnum, fyrirlestrum og samtölum sérfræðinga. Aðferðafræðin leggur áherslu á samskiptahæfni, lausn vandamála og greiningu tækifæra, gagnrýna- og skapandi hugsun.

Meðal leiðbeinenda sem hafa verið áður:

Haukur Skúlason - Framkvæmdastjóri Indó Services
Gunnar Baldursson - Framkvæmdastjóri Almenna lífeyrissjóðsins  
Gunnlaugur Jónsson – framkvæmdastjóri Fjártækniklasans
Valur Þór Gunnarsson - Framkvæmdastjóri Taktikal 
Narfi Þorsteinn Snorrason - Director Strategy & Development hjá Marel
Viðar Þorkelsson – fv. framkvæmdastjóri Valitor og Reitir
Hákon Stefánsson - Framkvæmdastjóri InfoCapital
Kristján Ingi Mikaelsson - fv. frkvstj. Rafmyntaráðs Íslands og meðstofnandi Fractal5 

Áfangar:

Fjármál til framtíðar
Fjármálalæsi
Bylting fjártækni
Fjármál og tækni – tækifæri og ógnanir
Fjártæknifyrirtæki

Endurskipulagning fyrirtækja
Fjárhagsuppbygging og rekstur
Fjármögnun og framtíðarfjárfesting
Innri vöxtur, sameiningar og uppkaup
Fjárhagsleg endurskipulagning

Árangursmælikvarðar
Árangur í ólíkum víddum
Mælikvarðar á árangur
Teymi, ferli og markmið
Innleiðing árangusviðmiða

Drifkraftar verðmætasköpunar
Verðmætadrifin stjórnun
Verðmat og áhrifaþættir
Verðmæti fyrir viðskiptavininn
Tækni og verðmætasköpun

Árangursstjórnun
Árangursstjórnunarkerfi
Áhættustjórnun
Áhrif umbreytinga
Árangursrík fyrirtæki  

HAGNÝTAR UPPLÝSINGAR

Námið er í boði sem staðnám, fjarnám (í beinni á netinu eða með upptökum þegar hentar) eða sem blönduð námsleið.

Námið er 30 klst., 5 áfangar, 6 klst. hver áfangi og próf.

Kennt á þriðjudögum 13:00 - 16:00 og miðvikudögum 9:00 - 12:00 - í 5 vikur og hefst 4. febrúar 2025.

Námsmat: Einstaklingsverkefni, hópverkefni og heimapróf.

Námsgjöld: 319.000 kr. 

Hægt er að greiða með kreditkorti og fá reikning í heimabanka en jafnframt dreifa greiðslum í allt að 6 mánuði. Hafið samband við bokhald@akademias.is til að dreifa greiðslum.

Mörg stéttarfélög veita styrk í gegnum Starfsmenntunarsjóð fyrir allt að 90% af náminu en jafnframt eru aðrar styrkjaleiðir færar fyrir fyrirtæki, óháð starfsmanni (sjá www.attin.is). Hafðu samband og við aðstoðum akademias@akademias.is.