Rétt líkamsbeiting - á skrifstofunni og heima

Þetta námskeið fjallar um rétta líkamsbeitingu við tölvuvinnu, bæði í fjarvinnu heiman frá og almennt á vinnustað. Markmiðið er að þátttakendur læri að vinna á líkamsvænan hátt, draga úr líkamlegu álagi og stuðla að betri líðan og aukinni einbeitingu. Farið er yfir hvernig best sé að stilla vinnuumhverfið – þar með talið hæð á skrifborðsstól, tölvuskjá og skrifborði – til að tryggja örugga og þægilega líkamsstöðu. Einnig er fjallað um mikilvægi reglulegra hléa, hreyfingar og fjölbreytni í vinnustellingum. 

Fyrir hverja?

Námskeiðið nýtist öllum sem vinna við tölvu, hvort sem er heima eða á vinnustað, og vilja bæta aðbúnað sinn og stuðla að betri heilsu til lengri tíma.