Leiðtogi í hagnýtri viðburðastjórnun

Aðgerðardrifnir hæfnisþættir námskeiðsins eru:

• Nota skýran skipulagsramma til að brjóta viðburð niður í verkþætti, tímamörk og ábyrgð frá fyrstu hugmynd að lokauppgjöri.

• Styðjast við fjárhags- og kostnaðaryfirlit til að setja raunhæfa áætlun og fylgja henni eftir þannig að útgjöld fari ekki úr böndum.

• Beita gátlista fyrir framkvæmdardaginn til að tryggja að tæknimál, birgjar, dagskrá og þjónusta gangi snurðulaust.

• Nota samræmt samskipta- og upplýsingaflæði við teymi og samstarfsaðila svo allir viti hlutverk sitt og tímasetningar.

• Fylgja einföldu mati eftir viðburð til að greina árangur, lærdóm og næstu umbætur.

Lögð er áhersla á hvernig hægt er að hanna viðburði sem eru bæði eftirminnilegir og árangursríkir. Námskeiðið felur í sér kennslu í þeim praktísku þáttum sem viðburðastjóri þarf að hafa í huga, hvort sem hann er að skipuleggja litla eða stóra viðburði. 

Aðferðafræðin byggir á fyrirlestrum og samtölum við sérfræðinga sem hafa mikla reynslu af því að skipuleggja og framkvæma viðburði á Íslandi.  Aðferðafræðin leggur áherslu á samskiptahæfni og gagnrýna- og skapandi hugsun.  

Útgangspunktur námskeiðsins er að hjálpa öllum þeim sem hafa ábyrgð og áhuga á því hanna, skipuleggja og framkvæma viðburði sem eru árangursríkir út frá markmiðum og viðmiðum viðburðastjórnunar. 
 
Umsjón námsins er í höndum Dagmar Haraldsdóttir, sem er einn reynslumesti viðburðastjóri landsins og er frumkvöðull í uppsetningu viðburða á nýjum og skemmtilegum stöðum á Íslandi.  

Námskeiðið er hluti af Viðurkenndur verkefnastjóri. 

Gestafyrirlesarar eru sérfræðingar í viðburðastjórnun og hönnun upplifunar.

Leiðbeinendur námsins eru sérfræðingar í viðburðastjórnun. Einn til tveir leiðbeinendur halda utan um hvern áfanga sem byggja á reynslusögum og raundæmum.

Meðal gesta verða:

• Eyþór Ívar Jónsson hjá Akademias 
• Rósbjörg Jónsdóttir hjá Orkuklasanum
• Jón Kristjánsson hjá Þjóðleikhúsinu
• Eva María Þórarinsdóttir Lange hjá Pink Iceland
• Svava María Atladóttir hjá Landspítalanum

Áfangar: 

1. Skipulag viðburða
   • Inngangur og tilgangur
   • Íslenskt viðburðahagkerfi 
   • Viðburðastjórinn
2. Undirbúningur viðburða
   • Áætlanagerð fyrir viðburði
   • Samstarfsaðilar
   • Samvinna og teymi
3. Hönnun viðburða  
   
   • Hönnunarhugsun í viðburðum
   • Upplifun og eftirminnilegir viðburðir
   • Virðissköpun og sprettir
4. Framkvæmd viðburða  
   • Stjórnun viðburða 
   • Áhættustjórnun 
   • Virk viðburðastjórnun 
5. Árangursríkir viðburðir
   • Markmið og viðmið
   • Lærdómur og framþróun 
   • Viðburðir í stærra samhengi
6. Viðburðir framtíðarinnar
   • Kynningar á einstaklingsverkefnum

HAGNÝTAR UPPLÝSINGAR

Námskeiðið hefst 19. maí og er kennt á þriðjudögum 13:00 – 16:00 og miðvikudögum 9:00 – 12:00 í þrjár vikur.

Námið er í boði sem staðnám í Borgartúni 23, fjarnám (í beinni á netinu eða með upptökum þegar hentar) eða sem blönduð námsleið. 

Námskeiðið er 18 klst., þ.e. 6 áfangar, 3 klst. hver áfangi.

Námsmat: Lokaverkefni - Hönnun og skipulag viðburðar.

Verð: 299.000kr

Sjá reiknivél hér að neðan hvaða áhrif styrkir geta haft á verð námskeiðs

Hægt er að greiða með kreditkorti og fá reikning í heimabanka en jafnframt dreifa greiðslum í allt að 6 mánuði. Hafið samband við bokhald@akademias.is til að dreifa greiðslum.

Mörg stéttarfélög veita styrk í gegnum Starfsmenntunarsjóð fyrir allt að 90% af náminu en jafnframt eru aðrar styrkjaleiðir færar fyrir fyrirtæki, óháð starfsmanni (sjá www.attin.is). Hafðu samband og við aðstoðum akademias@akademias.is.