ChatGPT til árangurs

Djúpköfun fyrir fólk sem vill ná raunverulegu valdi á einu tóli

Flestir nota gervigreind eins og leitarvél með betra málfar, henda inn spurningu, taka við svari og halda áfram. Þetta námskeið er fyrir þau sem vilja meira. ChatGPT er ekki bara svarvél heldur hugsunarfélagi sem getur unnið með löng skjöl, leitað heimilda á vefnum, byggt heilar greiningar, smíðað lítil verkfæri og haldið samhengi yfir flókin verkefni, ef þú kannt tökin.

Þetta er ekki yfirlitsnámskeið um hvað gervigreind er. Þú ferð í gegnum raunveruleg dæmi úr þínu eigin starfi og kemur út með vinnuflæði sem þú getur notað strax daginn eftir.

Námskeiðið er fyrir þig sem:
Hefur náð tökum á grunninum og vilt dýpt frekar en breidd, vinnur með texta, greiningu eða ákvarðanir í starfi, og vilt að ChatGPT hætti að vera leikfang og verði samstarfsmaður.

Að námskeiði loknu kanntu að:

• Skrifa fyrirmæli sem fá ChatGPT til að hugsa með þér í stað þess að giska á hvað þú vildir
• Vinna með löng skjöl, gögn og vefheimildir í einni samfellu án þess að missa þráðinn
• Nota Projects og föst fyrirmæli til að byggja þér fasta vinnufélaga fyrir endurtekin verk
• Smíða lítil verkfæri og síður (Sites) sem aðrir geta opnað og notað, án þess að skrifa kóða
• Byggja ákvarðanastuðning, láta ChatGPT véfengja forsendur þínar í stað þess að jánka öllu
• Sjá hvar ChatGPT bregst, hvað minnið geymir um þig og hvernig þú sannreynir það sem skiptir máli

Hluti 1 — Að hugsa með ChatGPT

Frá svarvél í hugsunarfélaga. Hvaða verk þú felur ChatGPT, hverju þú heldur eftir og hvernig þú lýsir verkinu þannig að fyrsta svarið sé nothæft.

Langt samhengi og heimildir. Löng skjöl, samanburður og vefleit með heimildum sem þú sannreynir jafnóðum.

Hluti 2 — Að byggja vinnufélaga

Projects og föst fyrirmæli. Þú setur gögn og fyrirmæli á einn stað og byggir vinnufélaga sem þekkir verkið þitt í hvert sinn.

Sites. Þú smíðar litla síðu eða verkfæri með gagnageymslu á bak við, sem þú getur birt og deilt með öðrum.

Hluti 3 — Ákvarðanir og aðhald

ChatGPT sem véfengir. Þú lætur ChatGPT leita að veikleikum í eigin rökum og forsendum áður en þú tekur ákvörðun.

Aðhald og kynning. Hvenær þú treystir svarinu, hvað minnið geymir, hvað má aldrei fara inn, og kynning á þínum eigin aðstoðarmanni.

Fyrir hvern: Allt starfsfólk sem vill klára meira, vinna markvissar og draga úr endurtekningu, án þess að verða tæknisérfræðingar.
Niðurstaða: Þú ferð heim með verkfærasett, sniðmát og vinnulag sem nýtist strax á mánudag.

Hagnýtar upplýsingar

Námskeiðið hefst 2. nóvember og er kennt í fjóra daga og lýkur 5. nóvember. Hver kennsludagur er frá kl. 9:00-12:00.

Námið er í boði sem staðnám í Borgartúni 23 eða fjarnám (í beinni á netinu eða með upptökum þegar hentar) eða sem blönduð námsleið. 

Námskeiðið er í fjórum hlutum, hver hluti þrjár klukkustundir og því samtals 12 klukkustundir að lengd.

Námsmat: Einstaklingsverkefni (Þinn aðstoðarmaður)

Verð: 199.000 –

Takmarkað sætaframboð. Tryggðu þér sæti áður en einhver annar gerir það.