Sálræn fyrsta hjálp

Viltu öðlast innsýn í sálræna fyrstu hjálp og kynnast leiðum til að vera til staðar fyrir aðra á erfiðum tímum?  

Á námskeiðinu eru lykilhugtök sálrænnar fyrstu hjálpar kynnt og leiðir til að styðja við fólk í uppnámi og þannig aðstoða það við að ná ró og stjórn á aðstæðum. Sú færni getur hjálpað til við að vera til staðar og bregðast við þegar fólk þarf á stuðningi að halda. 

Markmið námskeiðsins eru að þátttakendur öðlist: 
· þekkingu á sálrænni fyrstu hjálp og viti hvað það er og hvað ekki 
· frekari þekkingu á viðbrögðum fólks í vanlíðan 
· skilning á þremur lykilþáttum „Horfa, Hlusta og Tengja“ 
· færni í að veita sálræna fyrstu hjálp 
· skilning á flóknum aðstæðum og viðbrögðum 
· veri meðvitað um mikilvægi þess að huga einnig að sjálfum sér þegar aðstoða þarf aðra 

Fyrir hverja 

Námskeiðið er fyrir öll þar sem sálræn fyrsta hjálp kemur öllum við.