Lýsing námskeiðs og skráning

Sérfræðingur í sölu og tekjumódelum

Akademias býður upp á námskeiðið Sérfræðingur í sölu og tekjumódelum. Markmið námskeiðsins er að þróa sölukanvas og tekjumódel sem hjálpa íslenskum fyrirtækjum að verða tekjudrifin fyrirtæki. Sennilega hefur sölumennska aldrei verið mikilvægari fyrir íslensk fyrirtæki og tækni og aðferðafræði sem eflir árangursríka sölu og samskipti við viðskiptavini er grundvallaratriði í uppbyggingu fyrirtækja. 

Námskeiðið Sérfræðingur í sölu og tekjumódel snýst um að umbreyta fyrirtækjum með áherslu á söludrifið tekjumódel. Áhersla er á að skapa aukna færni og leikni fyrir sölumenn fyrirtækja og stjórnendur sölumála með því að skapa færni og leikni í aðferðafræði, skipulagi og tækni í að hanna út frá sölukanvas og endurskipuleggja tekjumódel þar sem sala og sölumennska er í fyrirrúmi. Lögð er áhersla á að söluteymi læri að vinna saman og að nemendur geti bæði skipulagt söluherferðir betur og stýrt litlum og stórum söluverkefnum. 

Umsjónarmaður er Eyþór Ívar Jónsson, hjá Akademias sem er sérfræðingur í verðmætasköpun og uppbyggingu fyrirtækja. Hann hefur aðstoðað við að skipuleggja sölu- og markaðsstarf hjá mörg hundruð sprotafyrirtækjum á Norðurlöndunum í gegnum hraðla og önnur verkefni.  Eyþór er forseti Akademias og skipuleggur miniMBA og Leiðtoganám Akademias.

Aðalleiðbeinandi er Kolbeinn Björnsson sem hefur verið sölustjóri fyrir fyrirtæki eins og Össur, EksoBionics, Latabæ og verið frumkvöðull og ráðgjafi í fjölmörgum verkefnum eins og t.d. Kerecis, FitBionic, Sæbýli og Cooori.

Aðferðafræðin byggir á stuttum hópverkefnum, fyrirlestrum og samtölum sérfræðinga. Aðferðafræðin leggur áherslu á samskiptahæfni, lausn vandamála og greiningu tækifæra, gagnrýna- og skapandi hugsun.

Leiðbeinendur:

Kolbeinn Björnsson – Stofnandi Mink Campers og Sæbýli o.fl., f.v. framkvæmdstjóri hjá EksoBionics, LazyTown, Össur o.fl.
Gerður Huld Arinbjarnardóttir - Stofnandi og framkvæmdastjóri Blush
Eyþór Ívar Jónsson – Forseti Akademias

+ fleiri fyrirlesarar með dæmisögur.

Áfangar:

  1. Af hverju sala og verðmætasköpun?
  2. Vandamál og lausnir
  3. Einstakt sölutilboð og viðskiptavinur
  4. Söluáætlun og kostnaður
  5. Sannfæring og söluræða 
  6. Sölukanvas

Hagnýtar upplýsingar:

Námið er í boði sem staðnám eða fjarnám (í beinni á netinu eða með upptökum þegar hentar) eða sem blönduð námsleið. 

Námið er  18 klst., þ.e. 6 áfangar, 3 klst. hver áfangi.

Hefst 5.mars 2024, kennt á þriðjudögum 13:00 - 16:00 og miðvikudögum 9:00 - 12:00 - 3 vikur

Námsmat: Hópverkefni í tímum og lokaverkefni sem byggir á raunhæfu verkefni sem tengist vinnu eða áhugamáli nemenda (einstaklingsverkefni)

Námsgjöld: 269.000 kr. 

Hægt er að greiða með kreditkorti og fá reikning í heimabanka en jafnframt dreifa greiðslum í allt að 6 mánuði. Hafið samband við bokhald@akademias.is til að dreifa greiðslum.

Mörg stéttarfélög veita styrk í gegnum Starfsmenntunarsjóð fyrir allt að 90% af náminu en jafnframt eru aðrar styrkjaleiðir færar fyrir fyrirtæki, óháð starfsmanni (sjá www.attin.is). Hafðu samband og við aðstoðum akademias@akademias.is.

 

 

Leiðbeinendur

Dr. Eyþór Ívar Jónsson

Kolbeinn Björnsson

Hoobla - Systir Akademias