Lýsing námskeiðs & skráning

Markaðsstarf í Covid-19 kreppu

Öll fyrirtæki þurfa að endurhugsa markaðsstarfið í árferði eins og nú. Kauphegðun er að breytast bæði á neytenda- og fyrirtækjamarkaði. Bæði til skamms og langtíma. Það sem neytendur urðu að eiga í gær verður óþarfi í dag.  

Stjórnendur verða við slíkar aðstæður að skilja markhópinn sinn sem aldrei fyrr, geta aðlagað vöruna eða þjónustuna að honum, ásamt því að finna nýjar og hagkvæmar leiðir til að koma skilaboðum á framfæri. Allt þetta verður jafnframt að gera fyrir mun minna fjármagn en áður.

Markaðsstarf í Covid-19 kreppu tekur á öllum þessum þáttum ásamt því að gefa þátttakendum hagnýt verkfæri sem þeir nota við úrlausn verkefna um eigin fyrirtæki í náminu.

Markmiðið er að hjálpa fyrirtækjum í gegnum óvissutíma eins og nú. Ennfremur að gera stjórnendur sjálfbæra við að skipuleggja og hrinda í framkvæmd nýrri sókn á markaðinn.  

UPPBYGGING

  • Þrír hlutar:
    • MarkaðsSkilningur: Hvernig getum við skilið breyttar þarfir og langanir viðskiptavina? Hvað segir sagan okkur um breytta hegðun neytenda í kreppu? Hver er likleg framtíðarþróun? Mikið af markaðsgögnum verður kynnt sem hægt er að nálgast endurgjaldslaust á Íslandi. Ennfremur verður farið yfir hvernig þátttakendur geta sjálfir (án kostnaðar) gert einfaldar markaðsrannsóknir og greiningar sem margfalda líkur á árangri.  
    • MarkaðsMótun: Hvernig getum við aðlagað stefnu og nálgun við markaðinn svo neytendur velji okkur þrátt fyrir gjörbreytt markaðsumhverfi og  neytendahegðun?  
    • MarkaðsAðgerðir: Hvaða hagkvæmu leiðir getum við notað til að selja meira? Hvaða leiðir eru árangursríkastar og hagkvæmastar? Hvernig getur stafræn auglýsingatækni hjálpa okkur að ná meiri árangri?   

HAGNÝTAR UPPLÝSINGAR

  • Námið er í 16 hlutum og um 8 klst. Námið fer fram í gegnum netið.
  • Þátttakendur geta lært hvar og hvenær sem er, ennfremur á þeim hraða sem hentar hverjum og einum yfir sex mánaða tímabil.
  • Mörg stéttarfélög veita styrk fyrir allt að 90% af þátttökugjaldi og er þá hluti . Sendu okkur tölvupóst á akademias@akademia.is og við aðstoðum þig.
  • Verð 39.900 kr. Stéttarfélög veita styrk fyrir allt að 90% af námskeiðsgjaldi frá Starfsmenntunarsjóði. Vinnumálastofnun getur styrkt skjólstæðinga sína um 75% af námskeiðsgjaldi en fyrirtæki geta einnig sótt um styrk hjá Starfsmenntunarsjóði fyrir allt að 90% af námskeiðsgjaldi í gegnum www.attin.is
  • Við bjóðum einnig uppá ráðgjöf og einkafyrirlestra. Hafðu samband fyrir nánari upplýsingar.

LEIÐBEINENDUR

Guðmundur Arnar Guðmundsson er annar eigandi Akademias, ráðgjafi og stundakennari við Háskólann í Reykjavík. Hann hefur starfað sem markaðsstjóri og setið í framkvæmdastjórnum Íslandsbanka, Nova og WOW air. Ennfremur starfaði hann sem markaðsstjóri Icelandair í Bretlandi og sem vörumerkjastjóri Icelandair á Íslandi.

Dr. Eyþór Ívar Jónsson, Copenhagen Business School og Akademias. Eyþór hefur kennt stefnumótun, nýsköpun og stjórnun í sjö háskólum um heim allan á Meistara og MBA stigi.

Nánari upplýsingar um kennara hér

FYRIR HVERJA

Alla sem koma að stjórnun eða markaðsmálum fyrirtækja af öllum stærðum og í öllum atvinnugreinum.

 

 

Leiðbeinendur

Guðmundur Arnar, Akademias

Dr. Eyþór Ívar Jónsson