Vinnuvernd - jafnrétti, sjálfbærni og réttindi
Lærðu að lesa launaseðilinn
Við útborgun launa á launamaður rétt á að fá í hendur sundurliðun launaútreiknings. Launaseðillinn er einnig kvittun til launamanns fyrir greiðslu skatts, lífeyrissjóðsiðgjalda og félagsgjalda til stéttarfélags. Ekkert eitt staðlað form er til fyrir launaseðla en í kjarasamningum koma fram leiðbeiningar um hvaða upplýsingar skuli vera á launaseðli. Í þessum fyrirlestri fer Oddur Birnir Pétursson, sérfræðingur á kjaramálasviði VR, yfir allt það helsta sem launamaður þarf að vita um launaseðilinn. Hvað á að koma fram, hvernig sundurliðun er oftast sett upp og hvað er mikilvægt að hafa í huga þegar við skoðum launaseðilinn.