Lýsing námskeiðs & skráning

Leiðtogi í samningatækni

Akademias býður upp á námskeiðið Leiðtogi í samningatækni. Á námskeiðinu er lögð áhersla að skoða samningatækni út frá ólíkum sjónarhólum og þjálfa fólk í að verða betra í samningatækni sem nýtist við ólíkar aðstæður. Samningatækni er hæfni sem allir í stjórnunarstöðum þurfa að kunna skil á og geta nýtt sér. Sérstaklega er lögð áhersla á samningatækni í viðskiptum og efnahagsmálum. Einnig er farið í gegnum samskiptatækni sem getur haft áhrif á niðustöðu samninga. Lögð er áhersla á samningatækni sem lausnamiðað ferli sem skilar ávinningi fyrir alla þátttakendur.

Námskeiðið byggist annars vegar á raunsögum frá erfiðum samningaferlum þar sem þátttakendur segja frá hvernig ferlið fór fram og hvernig þeir lásu stöðuna. Hins vegar byggir námskeiðið á stuttum fyrirlestrum og æfingum sem hjálpa til við að þjálfa upp tækni og aðferðafræði sem nýtist við alls konar aðstæður.

Meðal leiðbeinenda eru:

Lee Buchheit - Aðalsamningamaður Íslands í Icesave deilunni.
Stefán Haukur Jóhannesson – Sendiherra og aðalsamningamaður Íslands í mörgum alþjóðlegum samningum. 
Heiðrún Lind Marteinsdóttir – Framkvæmdastjóri samtaka fyrirtækja í sjávarútvegi
Stefán Eiríksson – Fv. Lögreglustjóri á höfuðborgarsvæðinu og útvarpsstjóri Ríkisútvarpsins (RUV)
Erlendur Svavarsson – Framkvæmdastjóri Cabo Verde Airlines


Umsjónaraðili námskeiðsins er dr. Eyþór Ívar Jónsson sem er einn reyndasti MBA kennari Norðurlandanna sem hefur verið leiðandi í MBA náminu í Copenhagen Business School í fimmtán ár og kennt MBA við fjölda háskóla. Leiðbeinendur námsins eru sérfræðingar í samningatækni. Hver áfangi hefur á bilinu 2 – 3 leiðbeinendur sem segja frá eigin reynslu og raundæmum.

Aðferðafræðin byggir á stuttum hópverkefnum, fyrirlestrum og samtölum sérfræðinga. Aðferðafræðin leggur áherslu á samskiptahæfni, lausn vandamála og greiningu tækifæra, gagnrýna- og skapandi hugsun.

Áfangar:

  1. Ágreiningur og úrlausnir (4 klst)
    1. Samningurinn um Ísland
    2. Að skilja ágreining
    3. Sameiginlegt úrlausnarefni
  2. Samskipti og samningtækni (4 klst)
    1. Alþjóðlegir samningar
    2. Viðmið og útgangspunktar
    3. Speglun og samkennd
  3. Verðmætaaukning og gagnkvæmur ávinningur (4 klst)
    1. Auðlindir og skipting gæða
    2. Uppskipting og aukning verðmæta
    3. Sigrar til skemmri og lengri tíma
  4. Viðræður og spurningar (4 klst)
    1. Samkennd og samvinna
    2. Ferli og skipulag
    3. Síðasta orðið

Hagnýtar upplýsingar

Námskeiðið byrjar 12. apríl kl. 17:00 – 20:00 og er svo kennt 13. apríl kl. 17:00 – 20:00, 14. apríl kl. 17:00 – 20:00 og 15. apríl kl. 17:00 – 20:00.

Námið er í boði sem staðnám, fjarnám (í beinni á netinu eða með upptökum þegar hentar) eða sem blönduð námsleið eins og hentar þátttakendum hverju sinni.

Námskeiðið er 16 klst., þ.e. 4 áfangar, 4 klst. hver áfangi.  

Námsmat: Hópverkefni.

Verð: 290.000 kr. Snemmskráningartilboð í dag 240.000 kr.

Hægt er að greiða með kreditkorti og fá reikning í heimabanka en jafnframt dreifa greiðslum í allt að 6 mánuði. Hafið samband við bokhald@akademias.is til að dreifa greiðslum.

Mörg stéttarfélög veita styrk í gegnum Starfsmenntunarsjóð fyrir allt að 90% af náminu en jafnframt eru aðrar styrkjaleiðir færar fyrir fyrirtæki, óháð starfsmanni (sjá www.attin.is). Hafðu samband og við aðstoðum akademias@akademias.is.