Lýsing námskeiðs & skráning

Lærðu að hagnýta gögn með snjöllum lausnum

Á námskeiðinu er fjallað um tækni- og viðskiptalegan grunn gagnadrifinna og snjallra lausna. Þjónustur sem við þekkjum, t.d. Amazon, Spotify og Netflix, nýta þessa tækni til þess að þjóna viðskiptavinum betur og bæta samkeppnishæfni.  

Á meðal íslenskra fyrirtækja og opinberra aðila sem eru byrjuð að þróa og hagnýta gagnadrifnar og snjallar lausnir má nefna Marel, Domino's, Icelandair, CCP, Reykjavíkurborg, fjarskiptafyrirtækin, Orkuveitu Reykjavíkur/Veitur, RSK,  Festi, íslensk tækni- og sprotafyrirtæki, Forlagið o.fl.

Hér eru nokkur dæmi um lausnir sem hafa verið innleiddar hjá íslenskum fyrirtækjum til að auka sölu, bæta þjónustu, draga úr kostnaði og minnka áhættu:

  • Lausnir sem bæta upplifun á vef og í appi, t.d. sjálfvirk meðmæli og ráðgjöf.
  • Mat á áhættu niður á einstaka viðskiptavini tryggingafélaga og banka.
  • Lausnir sem verðleggja vörur og þjónustu.
  • Lausnir sem spá fyrir um mikilvæga hegðun viðskiptavina, t.d. um kaup og notkun á vörum og þjónustu eða brottfall úr viðskiptum.
  • Lausnir sem greina áhugaverðar breytingar á hegðun viðskiptavina.
  • Myndgreiningarkerfi fyrir fiskvinnslur.
  • Lausnir sem sjálfvirknivæða og bæta eftirlit
  • Rauntímaforspá um eftirspurn eftir vörum og þjónustu. 

Á námskeiðinu er m.a. fjallað um:

  • Tæknilegan og viðskiptalegan grundvöll snjalllausna.
  • Val á verkefnum sem styðja stefnu og bæta samkeppnishæfni.
  • Vinnulag og hugarfar sem styður árangursríka hönnun og þróun snjalllausna.
  • Hringrásina - virtuous cycle - frá hugmyndum að innleiðingu á 12 vikum.
  • Helstu aðferðir gagnavísinda og gervigreindar og hvar og hvernig má hagnýta þær í lausnum sem miða að því að auka sölu, bæta upplifun, draga úr áhættu o.fl.
  • Hagnýtingu tækninnar á Íslandi. 

Hagnýt atriði:

  • Næsta námskeið er 27. október, frá kl 17:00 til 22:00.  
  • Námið er kennt í sal Akademias, Borgartúni 23. Einnig er hægt að taka þátt í beinni á netinu en hátæknikennslustofa Akademias gerir fjarnemum kleift að taka þátt í náminu, umræðum og verkefnum einsog þeir væru á staðnum.
  • Verð 49.900 kr. 
  • Mörg stéttarfélög veita styrk fyrir allt að 90% af námskeiðsgjaldi. Vinnumálastofnun styrkir jafnframt skjólstæðinga sína um 50% af námskeiðsgjaldi. Fyrirtæki geta einnig sótt um styrk í gegnum Starfsmenntunarsjóð (óháð starfsmanni) inná www.attin.is

Fyrir hverja:

Sérfræðinga og millistjórnendur sem vilja taka frumkvæði á þessu sviði og byrja að hagnýta gagnadrifnar lausnir. Einnig þá stjórnendur sem hefur verið falið að leiða gagna- og greiningarteymi og vilja auka yfirsýn og bæta þekkingu sína á sviðinu og læra af reynslu annarra. 

Kennari:

Brynjólfur Borgar Jónsson er stofnandi tækni- og ráðgjafarfyrirtækisins DataLab Ísland sem sérhæfir sig í þróun og innleiðingu gagnadrifinna lausna í starfsemi íslenskra fyrirtækja og stofnana. Brynjólfur er með MSc í tölfræði og aðgerðarannsóknum og BA í sálfræði. Hann hefur rúmlega tveggja áratuga reynsla af þróun gagnadrifinna lausna og ráðgjöf á því sviði á Íslandi og í Englandi, sem starfsmaður m.a. hjá Marel og Landsbankanum og sem ráðgjafi m.a. hjá tryggingafélögum, fjarskiptafyrirtækjum, fjölmiðlum, verslunum, olíufélögum, iðnfyrirtækjum, opinberum stofnunum, veitingastöðum og flugfélögum. Brynjólfur talar oft og mikið um gagnavísindi og gervigreind í fjölmiðlum, á ráðstefnum, mannamótum og vinnustöðum.

Hægt er að nálgast skrif hans um efnið á medium.com/@binniborgar.

 

Skráning

Dagsetningar í boði, smelltu til að skrá þig:

Skrá mig, Lærðu að hagnýta gögn með snjöllum lausnum 27. okt.

 

Leiðbeinandi

Brynjólfur Borgar Jónsson, stofnandi DataLab Ísland